Búgin rayonımızda bir qansha sociallıq obektler paydalanıwǵa tapsırıldı. Atap aytqanda “Balalar muzika hám kórkem-óner mektebı” imáratı. Shımbay rayonında Mayjap APJ aymaǵında jaylasqan 10-sanlı Mektepke shekemgi bilimlendiriw shólkemine Investiciya dásturi tiykarında jámi 3 mlrd 404 mln qarjı ajıratılıp, 120 orınǵa mólsherlenip OOO «EVRO KAPITAL REMONT» firması tárepinen rekonstrukciya qurılıs ońlaw jumısları alıp barıldı, jáne de Qızıl -ózek APJ aymaǵında jaylasqan 3-sanlı Mektepke shekemgi bilimlendiriw shólkemine Investiciya dásturi tiykarında jámi 3 mlrd 330 mln qarjı ajıratılıp 120 orınǵa mólsherlenip «Sáwir» firması tárepinen rekonstrukciya qurılıs ońlaw jumısları alıp barıldı hám búgin balalarg’a paydalanıwǵa tapsırıldı.
2021-jılı investiciya dásturi tiykarında «Aral boyı regionın rawajlandırıw» qarjısı esabınan kesip alıp islewshi «Shuraxon qurilish-sozlash» JShJ ti tárepinen smetalıq bahası 2 mlrd.230 mln.swm esabınan Shımbay rayonı «Qızıl-ózek» awıl puxaralar jıyını aymagındagı «Bolıs» awılına jetkerip beriwshi hám bólistiriwshi ulıwma uzınlıǵı 11,5 km bolǵan ishimlik suw tarmaqların jańadan qurıw «Bolıs» suw bólistiriw imáratı paydalanıwǵa tapsırıldı.
Shımbay rayonı «Qızıl-ózek» awıl puxaralar jıyını aymaǵındaǵı «Bolıs» awılında jámi 161 xojalıq bar bolıp, alıp barılgan qurılıs jumıslar nátiyjesinde awıl turǵınları tólıgı menen ishimlik suwı menen támiyinlendi.
Maǵlıwmat ushın awıl turǵınları aldın jer astı baspa kranlarınan hám de qudıqlardan ishimlik suwınan paydalanıp otırǵanlıǵın esapqa alıp, «Qaraqalpaq suw támiynatı» JShJ Shımbay rayonı filialının arnawlı texnikaları menen tasımalı turde ishimlik suwın jetkerip kelingen edi.
Sonday-aq rayonımızdaǵı «Orjap» makan puqaralar jıyını imáratı paydalanıwǵa tapsırıldı. Rayonımızdaǵı sońǵı ózgerisler kórgen kózdi quwandırmay qoymaydı
