Шымбай районы шаңарақ ҳәм ҳаял-қызлар бөлими тәрепинен  усыныснама алыў ушын арзаларды қабыллаў басланды.

Ҳүкимет қарарына муўапық қәнигелиги бойынша кеминде 5 жыл мийнет стажы бар, бирақ жоқары мағлыўматқа ийе болмаған ҳаял-қызлар мәмлекетлик жоқары оқыў орынларына өз алдына қабыллаў параметрлери (жәми 500 квота) шеңберинде төлемли шәртнама тийкарында оқыўға қабылланыўы белгиленген.

Бул жеңилликтен пайдаланбақшы болған ҳаял-кызлар Шаңарақ ҳәм ҳаял-қызлар комитетиниң усыныснамасына ийе болыўы керек.

Усыныснама алыў ушын талабанлар төмендеги өлшемлердиң барлығына муўапық келиўи керек:

орта арнаўлы, яки профессионал билимлендириў бойынша қәнигеликке ийе болыўы;

Усыныснама аламан дегенге шекем жоқары билим алмаған болыўы;

Орта арнаўлы, яки профессионал билим қәнигелиги бойынша кеминде бес жыллық мийнет стажына ийе болыўы.

Талабанлар усы жылдың 1-июнь сәнесине шекем (сол күни де) арза менен Шымбай районы шаңарақ ҳәм ҳаял-қызлар бөлиминиң Исши топарларына мүрәжат етеди ҳәм төмендеги ҳүжжетлерди усынады:

–  Пуқаралық паспортын, яки ID картасын;

– Мийнет дәптершеси (электрон мийнет дәптершеси)нен көширме;

– Орта арнаўлы, яки профессионал билим бойынша диплом.

-электрон мағлыўматнама (справка объективка)

Талабанлар тәрепинен усынылған арза ҳәм ҳүжжетлер район  Исши топарлары тәрепинен орнатылған тәртипте 1-7-июнь күнлери көрип шығылады ҳәм усыныснама бериў, яки усыныснама бериўди бийкар етиў ҳаққында шешим қабыл етиледи.

2022-2023-оқыў жылында усыныснама алған, бирақ жоқары оқыў орынларында студент болмаған ҳаял-қызлардың усыныснамалары 2023-2024-оқыў жылы ушын да әмел етеди.