Xalıq deputatları Shımbay rayonlıq Keńesiniń 2022-jıl 30-aprel kúngi “Shımbay rayonı jergilikli
byudjet dáramatlarınıń artıqsha orınlanǵan bólegi esabınan 2022-jıldıń birinshi basqıshında
jámiyetshilik pikiri tiykarında qáliplestirilgen ilajlardı qarjılandırıw haqqında”ǵı VI-35-46-13-192-
K/22-sanlı sheshimine ózgeris hám qosımshalar kiritiw haqqında
Ózbekstan Respublikası Prezidentiniń 2021-jıl 13-aprel kúngi “Byudjet processinde puqaralardıń belsene
qatnasıwın támiyinlew boyınsha qosımsha is-ilajlar haqqında”ǵı PQ-5072-sanlı qararına hám Ózbekstan
Respublikası Oliy Majlis Senatınıń 2021-jıl 22-aprel kúngi “Rayon (qala) byudjetleri qarjıları jámiyetshilik
pikiri tiykarında qáliplestirilgen ilajlarǵa baǵdarlaw tártibi haqqında”ǵı QQ-213-IV-sanlı qararına muwapıq
Xalıq deputatları Shımbay rayonılq Keńesiniń sessiyası
SHESHIM ETEDI:
1. Ózbekstan Respublikası Prezidentiniń 2021-jıl 13-aprel kúngi PQ-5072-sanlı hám Ózbekstan
Respublikası Oliy Majlis Senatınıń 2021-jıl 22-aprel kúngi QQ-213-IV-sanlı qararları orınlaw ushın
basshılıqqa alınsın.
2. Xalıq deputatları Shımbay rayonlıq Keńesiniń 2022-jıl 30-aprel kúngi “Shımbay rayonı jergilikli
byudjet dáramatlarınıń artıqsha orınlanǵan bólegi esabınan 2022-jıldıń birinshi basqıshında jámiyetshilik pikiri
tiykarında qáliplestirilgen ilajlardı qarjılandırıw haqqında”ǵı VI-35-46-13-192-K/22-sanlı sheshimine
tómendegishe ózgeris kiritilsin:
Shımbay rayonı “Baxıtlı” awıl puqaralar jıyını aymaǵındaǵı “Aqtoǵın” awılına 1,5 km. jolına qum
shaǵal aralaspasın tósep beriw boyınsha (ID:0210400020 arqalı bildirilgen) usınısı 1454 dawıs;
“Qarakól” mákan puqaralar jıyını aymaǵındaǵı Q.Awezov hám Ata jurt kóshelerin tutastırıwshı jolǵa
túngi jaqtılandırıw shıraqların ornatıw boyınsha (ID:0210400001 arqalı bildirilgen) usınısı 1206 dawıs;
“Taǵjap” awıl puqaralar jıyını aymaǵındaǵı Pazılbek anna awılına qum shaǵal aralaspasın tósep beriw
boyınsha (ID:0210400579 arqalı bildirilgen) usınısı 1425 dawıs;
“Qızılózek” awıl puqaralar jıyını aymaǵındaǵı Qońırat kóshesiniń 500 metr jolına qum shaǵal
aralaspasın tósep beriw boyınsha (ID:0210400476 arqalı bildirilgen) usınısı 975 dawıs;
Xalıq bilimlendiriw bólimine qaraslı 14-sanlı mektep sport zalın qayta ońlaw (ID:0210400532)
boyınsha usınısı 1259 dawıs;
“Gúlistan” mákan puqaralar jıyını aymaǵındaǵı Jaqsılıq kóshesinde elektr energiyası támiynatın
e-qaror.gov.uz 25.05.2022
2
jaqsılaw hám úzliksiz támiyinlew maqsetinde zamanagóy transformator ornatıw boyınsha (ID:0210400546
arqalı bildirilgen) usınısı 1221 dawıs;
“Qarakól” mákan puqaralar jıyını aymaǵındaǵı “Ata jurt” kóshesiniń 7,2 km jolına qum shaǵal
aralaspasın tósep beriw boyınsha (ID:0210400010 arqalı bildirilgen) usınısı 1212 dawıs;
“Qamısarıq” awıl puqaralar jıyını aymaǵındaǵı “Qamısarıq” kanalın qazıw boyınsha (ID:0210400067
arqalı bildirilgen) usınısı 1191 dawıs toplap jeńimpaz bolǵanlıǵın esapqa alıp, usı usınıslardı 1-basqıshta
qarjılandırıw maqsetinde ajıratılǵan 3 847 000 000 (úsh milliard segiz júz qırıq jeti million) swmǵa qosımsha
43 000 000 (qırıq úsh million) swm qarjını birinshi sherekte dáramatlardıń artıq orınlanǵan bóleginiń 30
procenti esabınan jámiyetshilik pikiri qorına ajıratılǵan qarjı esabınan qaplap beriliwii nátiyjesinde jámi 3 890
000 000 (úsh milliard segiz júz toqsan million) swm qarjı rayonlıq “Puqaralıq baslaması” qorı esabınan
baǵdarlanıwı belgilensin.
3. Ózbekstan Respublikası Ministrler Kabinetiniń 2022-jıl 3-fevral kúngi “Avtomobil jolları tarawında
ashıqlıq standartların engiziw hám tarawda jámiyietshilik qadaǵalawın kúsheytiw is-ilajları haqqında”ǵı 49-
sanlı qararına muwapıq jergilikli byudjettiń “Puqaralar baslaması” qorı sheńberindegi “Meniń jolım” tarawına
puqaralar tárepinen jiberilgen usınıslardan “Kónshi” mákan puqaralar jıyını aymaǵındaǵı “Kónshi” kóshesine
qum shaǵal aralaspasın tósep beriw boyınsha (ID-0210500017 arqalı bildirilgen) 1258 dawıs toplap jeńimpaz
dep tabılǵanlıǵı atap ótilsin hám belgilengen qarjını ajıratıw belgilep qoyılsın.
4. Shımbay rayonı hákiminiń birinshi orınbasarı A.Moldaxmetov, rayonlıq Finans bólimi (P.Ibraimov)
hám rayonlıq Qaznashılıq bólimi (B.Kallibekov) usı sheshim tiykarında joqarıda belgilengen qarjılardı óz
waqtında hám maqsetli jumsalıwın qadaǵalaw tapsırılsın.
5. Usı sheshimniń orınlanıwın qadaǵalaw rayon hákiminiń birinshi orınbasarı A.Moldaxmetov hám
Xalıq deputatları Shımbay rayonlıq Keńesiniń jergilikli byudjet, ekonomikalıq reformalardı ámelge asırıw,
investiciyalar hám isbilermenlikti rawajlandırıw máseleleri boyınsha turaqlı komissiyasına júklensin.
6. Usı sheshim qabıl etilgen kúnnen baslap kúshke kiredi.
Keńes basliǵi A.Tajetdinov