Shaxsqa tiyisli maǵlıwmatlardı jıynawdı ámelge asıratuǵın sorawlar dizimi xalıqtı dizimge alıw baǵdarlaması esaplanadı.

Xalıqtı dizimge alıw baǵdarlaması tómendegi sorawlardı óz ishine aladı.

-familiyası, atı, ákesiniń atı;

-tuwılǵan sánesi hám ornı;

-jası;

-jınısı;

-milleti;

-puqaralıǵı;

-jasaw mánzili;

-tillerdi biliwi;

-maǵlıwmatı;

-nekelik halatı;

-balalarınıń sanı;

-úy xojalıǵı quramı;

-úy-jay sharayatları;

-bántligi;

-jasaw ushın dáramat deregi;

-migraciya.

Ózbekstan Respublikası Ministrler Kabinetiniń qararına tiykar, xalıqtı dizimge alıw baǵdarlamasına qosımsha ráwishte basqa sorawlar kirgiziliwi múmkin.

Juwapları mámleket sırlarına hám nızam menen kepillenetuǵın basqa sırǵa baylanıslı málimlemeni óz ishine alıwı múmkin bolǵan, puqaralardıń huqıqları, erkinlikleri hámde nızamlı máplerin buzıwshı sorawlar kirgiziliwine jol qoyılmaydı.

Dizimge alıw betleriniń kórinisleri xalıqtı dizimge alıw baǵdarlaması tiykarında islep shıǵıladı hám tastıyıqlanadı.