Jámiyetshilik pikiri tiykarında ilajlardı qáliplestiriw, bahalaw, tańlap alıw hám de orınlanıwın monitoring qılıw sonday-aq, Byudjet processinde puqaralardıń belsene qatnasıwın támiyinlew boyınsha rayonlıq isshi komissiyası tárepinen 2021-jıl dawamında alıp barǵan jumısları haqqında
Ózbekstan Respublikası Prezidentiniń 2021-jıl 13-apreldegi “Byudjet máselesinde puqaralardıń aktiv qatnasın támiyinlew boyınsha qosımsha ilajlar haqqında”ǵı PQ-5072-sanlı hámde Ózbekstan Respublikası Oliy majlisi Senatınıń 2021-jıl 22-apreldegi QQ-213-IV-sanlı qararlarına muwapıq Xalıq deputatları Shımbay rayonlıq Keńesiniń sessiyası
ShEShIM ETEDI:
- Jámiyetshilik pikiri tiykarında ilajlardı qáliplestiriw, bahalaw, tańlap alıw hám de orınlanıwın monitoring qılıw sonday-aq, Byudjet processinde puqaralardıń belsene qatnasıwın támiyinlew boyınsha rayonlıq isshi komissiyası tárepinen
2021-jıl dawamında alıp barǵan jumısları boyınsha Finans bólimi baslıǵı P.Ibraimovtıń esabatı maǵlıwmat ushın qabıl etilsin. - 2021-jıl dawamında “Ashıq byudjet” processi nátiyjeleri haqqında maǵlıwmat 1-qosımshaǵa, 2021-jıl dawamında puqaralar “Jámiyetshilik pikiri qorı” qarjılarınıń qáliplesiwi boyınsha maǵlıwmat 2-qosımshaǵa, 2021-jıl dawamında “Jámiyetshilik pikiri qorı” esabınan jámiyetshilik pikiri tiykarında qáliplesken (jeńimpaz dep tabılǵan) ilajlardı qarjılandırıw ushın jóneltirilgen qarjılar boyınsha maǵlıwmat 3-qosımshaǵa muwapıq tastıyıqlansın.
- Rayon hákiminiń birinshi orınbasarı A.Moldaxmetov, rayonlıq Finans bólimi (P.Ibraimov) menen birgelikte:
2022-jıl dawamında jergilikli byudjet qárejetleriniń nızamshılıqta belgilengen bóleginiń jámiyetshilik pikiri tiykarında jıynalǵan máselelerdi qarjılandırıwǵa jóneltiriwde qatnasıw hám de usı qarjılardıń maqsetli sarıplanıwı ústinen qadaǵalawdı ámelge asırıw;
byudjet qárejetleriniń 5 procenti, 2022-jıl basına qáliplesken qosımsha dereklerdiń keminde 30 procenti hám de sherekler dawamında jergilikli byudjettiń artıq orınlanǵan bólegi esabınan keminde 30 procentin jámiyetshilik pikiri tiykarında qáliplesken ilajlarǵa qarjılandırıw ushın “Jámiyetshilik pikiri qorı”na jóneltiriw tapsırılsın.
- Rayon hákiminiń birinshi orınbasarı A.Moldaxmetov dúzilgen isshi komissiya, aymaqlardaǵı hákim járdemshileri hám de tiyisli mákeme, kárxana hám shólkemler menen birgelikte “Ashıq byudjet” málimleme portalı arqalı baslamalı byudjet processinde puqaralardıń keńnen qatnasıwın támiyinlew maqsetinde xalıqqa túsinik jumısların alıp barıwdı shólkemlestiriw tapsırılsın.
- Shımbay rayonı Finans bólimi (P.Ibraimov) hám rayonlıq Qaznashılıq bólinbesi (B.Kallibekov) 2021-jılda jeńimpaz dep tabılǵan usınıslarǵa ajıratılǵan qarjılardan qalǵan qaldıq qarjılardı belgilengen tártipte “Jámiyetshilik pikiri qorı” esap betine qayta tiklew wazıypası júkletilsin.
- Shımbay rayonı hákimliginiń málimleme xızmeti basshısı N.Tolıbaeva usı sheshimde belgilengen wazıypalardıń orınlanıwın támiyinlew boyınsha alıp barılıp atırǵan jumıslardı ǵalaba xabar quralları arqalı keń jámiyetshilikke jetkizip barıw tapsırılsın.
- Usı sheshimniń orınlanıwın támiyinlew rayon hákiminiń birinshi orınbasarı A.Moldaxmetov hám Xalıq deputatları Shımbay rayonlıq Keńesi jergilikli byudjet, ekonomikalıq reformalardı ámelge asırıw, investiciyalar hám isbilermenlikti rawajlandırıw máseleleri boyınsha turaqlı komissiyasına júklensin.
- Usı sheshim qabıl etilgen kúnnen baslap kúshke kiredi.
