Xalıqtı dizimge alıw social-ekonomikalıq siyasattı islep shıǵıw xalıq turmısın jaqsılawda járdem beretuǵın qararlar qabıl qılıwǵa imkan beredi. Bunnan tısqarı milliyardlap mámleket qarjıların ádillik penen bólistiriwde járdem beredi bunda tálim dástúrleri, den sawlıqtı saqlaw sisteması, huqıq qorǵaw organları hám avtomabil jolların qurıw sıyaqlı xalıqtıń  turmıs dárejesin jaqsılaӯshı ilajlar, aymaqtaǵı xalıq sanına qarap qarjılandırıladı. Ulıwma alǵanda, xalıqtı dizimge alıw arqalı mámleketimiz qanday ózgerip atırǵanlıǵın gúzetiwge boladı.

Xalıqtı dizimge alıw maǵlıwmatları tek-ǵana  qarar qabıl qılıwshılar, statistika sisteması hámde nızam shıǵarıӯshı mamleket organları ushın ǵana emes, sonday-aq izzertlew hám marketing  kompaniyaları, sektor hám siyasıy partiyalar ushında qımbatlı maǵlıwmatlr deregi bolıp tabıladı.

Dizimge alıw , alımlar aytqanınday, esabatlarda anıqlanbaǵan maǵlıwmatlardı alıw yamasa onıń maǵlıwmatların tekseriw ushın arnawlı dúzilgen statistik gúzetiw túri esaplanadı. Ádetde xalıqtı dizimge alıw bir qatar qásietler boyınsha statistik gúzetiw obektleriniń sanı, quramı hám jaǵdayı haqqında maǵlıwmat alıw ushın úzliksiz túrde ámelge asırıladı.