Huqıqıy tásir sharaların qollaw haqqındaǵı arzalar menen sudlarǵa qadaǵalawshı uyımlar múrájaat etiwge haqılı.

Huqıqıy tásir sharaları tómendegilerden ibárat:

iskerlikti qısqartıw;

átirap tábiyǵıy qorshaǵan ortalıqqa zıyanlı tásir korsetip atırǵan obektler iskerligin qısqartıw hám (yaki) qayta qániygelestiriw;

iskerlikti sheklew, toqtatıp turıw hám qadaǵan etiw, bunda ayrıqsha jaǵdaylar, epidemiyalar hámde halıqtıń ómiri hám den-sawlıǵı ushın basqa haqıyqıy qáuip júzege keliwdiń aldın alıw menen baylanıslı jaǵdayda on is kúninen kóp bolmaǵan múddetke sheklew, toqtatıp turıw jaǵdaylarınan tısqarı;

banklerdegi esap-betleri boyınsha operaciyalardı toqtatıp qoyıw, banda nızamda názerde tutılǵan jaǵdaylarınan tısqarı;

finanslıq sankciyalardı qollaw, bunda salıqlar hám basqa májbúriy tólemler tóleu múddetin ótkerip jibergenlik ushın penyalar esaplaw, sonday-aq yuridik shaxstıń yaki puqaranıń islegen huqıqbuzarlıǵındaǵı ayıbın tán alǵanlıǵı hám finanslıq sankciyalar summaların ıxtıyariy ráwishte tólegenligi jaǵdaylarınan tısqarı;

isbilermenlik jumısınıń ayrım túrleri menen shugıllanıw ushın licenziyalarınıń (ruxsatnamalarınıń) ámel etiwin on is kúninen kóp bolǵan múddetke toqtatıp turıw yaki olardıń ámel etiwin qısqartıw yaki licenziyaların (ruxsatnamaların) biykar etiw, bunda Ózbekstan Respublikası Ministrler Kabineti hám Ózbekstan Respublikası Oraylıq bank tárepinen beriletuǵın licenziyalarınan (ruxsatnamalarınan) tısqarı.

Sud nızam hújjetlerine muwapıq basqa huqıqıy tásir sharalarında qollawı múmkin.

Huqıqıy tásir sharaların qollaw haqqındaǵı is isti sud dodalawına tayarlaw haqqındaǵı uyǵarıw shıgarılǵan kúnnen baslap on bes kúnnen artıq bolmaǵan múddette kórip shıǵılıwı kerek, bunda arza sudqa kelip túskennen keyin keminde bir aydan soń kóriletuǵın finanslıq sankciyaların qollaw haqqındaǵı islerden tısqarı.

Sud huqıqıy tásir sharaların qollaw haqqındaǵı isti kórip shıǵıp atırǵanda sud májilisinde: huqıqbuzarlıq hádiysesi bolǵan-bolmaǵanlıǵın hám onıń islengenligi faktın; tekseriw ushın hám tekseriw nátiyjeleri boyınsha dálalatnama yaki basqa hújjet dúziw ushın tiykarlar hám qadagalawshı uyımnın wákillikleri bar joqlıgın; usı huqıqbuzarlıqtı islegenlik ushın nızam hújjetlerinde juwapkershilik názerde tutılǵan yaki tutılmaǵanlıǵın hám huqıqıy tásir sharasın qollaw ushın tiykarlar bar joqlıǵın anıqlaydı.

Finanslıq sankciyalardı qollaw haqqındaǵı is kórip shıǵılıp atırılǵanda sud finanslıq sankciyalar summasınıń esap-kitabı qanshalıq tuwrılıǵında tekseredi.

Bul túrdegi isler boyınsha kelisiw pitimi yaki mediativ kelisiwge jol qoyılmaydı. Bunday jaǵday anıqlansa isti kóriw nátiyjeleri boyınsha sud huqıqıy tásir sharasın qollaw haqqında yaki bilidirlgen talaptı qanaatlandırıwsız qaldırıw haqqında qarar qabıl etedi.

Sudtıń huqıqıy tásir sharasın qollaw haqqındaǵı is boyınsha hal qılıw qararı, eger apellyaciya shaǵımı (protesti) berilmegen bolsa, ol qabıl etilgeninen keyin on kún ótkennen soń nızamlı kúshine kiredi.

Apellyaciya shaǵımı (protesti) berilgen jagdayda sudtıń hal qılıw qararı, eger ol biykar etilmegen bolsa, apellyaciya instanciyası sudınıń qararı qabıl etilgen kúnnen baslap nızamlı kúshine kiredi.

Huqıqıy tásir sharasın qollaw haqqındaǵı is boyınsha hal qılıw qararınıń kóshirme nusqası hal qılıw qararı qabıl etilgennen keyin úsh is kúni ishinde sud tárepinen iste qatnasıwshı shaxslarǵa jiberiledi yaki til xat alıp tapsırıladı, usı shaxslardıń elektron mánzilleri bar bolǵan jaǵdayda bolsa hal qılıw qararı elektron hújjeti tárizinde jiberiliw múmkin.

Shımbay rayonlar aralıq

ekonomikalık sudı baslıǵı                                                Z.Berdimuratov