Usı jıldıń 28-iyul kúni 703-sanlı «Sudlar haqqında»ǵı Ózbekstan Respublikası Nızamı Prezident tárepinen imzalandı.
Bul Nızamǵa kóre, bárshe sudlarda isler ashıq kóriliwi, islerdi jabıq sud májilisinde kórip shıǵıwǵa tek nızamda belgilengen jaǵdaylarda jol qoyılatuǵınlıǵı, sud májilisi zalında tayar bolǵan shaxslar, ǵalaba xabar quralları wákilleri sud májilisi zalında nızamda belgilengen tártipte foto súwretke alıwı, video hám audio jazıwdı ámelge asırıwı múmkinligi, Ózbekstanda sud islerin júritiw ózbek tilinde, qaraqalpaq tilinde yaki belgili jaydaǵı kópshilik xalıq sóylesetuǵın tilde alıp barılatuǵınlıǵı, ádil sudlawdı ámelge asırıwda hár bir kisige tájriybeli yuridik járdem alıw huqıqı kepillenetuǵınlıǵı, Joqarǵı sud tómengi sudlardıń sudlaw iskerligi ústinen qadaǵalaw alıp barıw huqıqına iye ekenligi, 35 jastan kishi bolmaǵan, puqaralardıń jasaw yaki jumıs ornındaǵı jıynalısta ashıq dawıs beriw jolı menen eki yarım jıl múddetke saylanǵan Ózbekstan Respublikası puqarası halıq másláxatshisi bolıwı múmkinligi, sudya birinshi márte 5 jıllıq múddetke, náwbettegi 10 jıllıq múddetke hámde lawazımında bolıwdıń múddetsiz dáwirge belgilengen tártipte saylanatuǵınlıǵı yaki tayınlanatuǵınlıǵı, Joqarǵı sud sudyası lawazımında bolıwdıń eń joqarı jası 70 jastı, basqa sudlar sudyaları ushın 65 jastı quraytuǵınlıǵı, úy jayǵa mútáj bolǵan sudya jergilikli mámleketlik xákimiyatı uyımları tárepinen Ministrler Kabineti belgilegen tártipte sud jaylasqan jerde xızmet turar jayı menen támiynlenetuǵınlıǵı, sudya oǵan turaqlı jasaw ushın belgilengen tártipte turar jay berilgenge shekem turar jay ijárası (ekilemshi ijárası) menen baylanıslı qárejetleri kompensaciya qılınıwı huqıqına iye ekenligi, wákillikleri múddeti tamamlanǵan sudyalardıń ortasha aylıq is haqı olardı jańa wákillikler múddetine qayta saylaw yaki qayta tayınlaw haqqındaǵı másele sheshilip atırılǵan dáwirde yaki basqa jumıs berilgenge shekem, biraq uzaǵı menen úsh ayǵa shekem saqlap qalınatuǵınlıǵı, sudyalarǵa olardıń wákillikleri múddeti tamamlanǵannan keyin olar sudyalıq lawazımına saylanıwǵa yaki tayınlawǵa shekem iyelep turǵan aldınǵı jumısı (lawazımı) beriletuǵınlıǵı, bunday jumıs (lawazım) bar bolmaǵanda bolsa aldınǵısına teń basqa jumıs (lawazım) beriletuǵınlıǵı belgilendi.
Shımbay rayonlar aralıq
Ekonomikalıq sudı baslıǵı Z.Berdimuratov
