Қорақалпоғистон Республикаси Жўқорғи Кенгеси Раиси Аманбай Орынбаев IT йўналишида фаолият олиб бораётган соҳа вакиллари билан учрашди.

Унда дастлаб Жўқорғи Кенгес Раиси сўнгги йилларда ҳурматли Президентимиз раҳбарлигида соҳани ривожлантириш бўйича амалга оширилаётган ишлар, қаратилаётган эътибор ва яратиб берилаётган имкониятлар ҳақида кенг турда тўхталди ва галдаги режалар бўйича фикрлашди.

Учрашувда шунча имконият яратиб берилганига қарамай, жойларда IT хизматларини тақдим этиш, масофавий хизмат кўрсатиш, IT маҳсулотларини экспорт қилиш бўйича ишлар талаб даражасида эмаслиги таъкидланиб, вазифалар ижроси танқидий кўриб чиқилди. Унда ўз вазифасини бажаришда камчиликларга йўл қўйган масъулларнинг тегишли жазо чораларига тортилиши масаласини кўриб чиқиш, шунингдек, юқори натижаларга эришган масъулларни рағбатлантириш бўйича топшириқлар берилди.