Өзбекстан Республикасы Президентиниң «Аӯыл хожалығында жерден пайдаланыў натийжелилигин асырыў ҳəм өним жетистириў көлемин көбейтиў бойынша қосымша илажлар ҳаққында»ғы ПҚ-131-санлы  қарары қабыл етилди.

Усы қарар менен, барлық түрдеги аўыл хожалығына мөлшерленген жерлерди ижараға бериўде 2025 жыл 11 марттан енгизилген тəртипке муўапық:

– электрон онлайн ауктцион саўдасын өткериў ҳаққындағы хабарнаманы жəриялаў мүддети 15 күннен 5 кунге, қайта саўдалар болса

5 күннен 1 күнга қысқартырылады;

– қайта саўдаларда тек ғана бир дана талабаннан арза келип түскен жағдайда, оған бул саўдада дағаза етилген баҳада лотты сатып алыў усыныс етиледи;

– ҳəр қайта саўдада лот баҳасы 10 проценттен басқышпа-басқыш басланғыш баҳаның 20 процентине түскенге шекем пәсейтириледи.

2025 жыл 1 апрелден баслап барлық аймақларда аўыл хожалығына мөлшерленген барлық түрдеги жерлерди ижараға бериў бойынша өткерилетуғын электрон онлайн ауктцион саўдаларында жер участкасына ижара ҳуқықын алыў ушын төлемлерди бөлып-бөлып төлеў ҳəм төлем толық төленгенде шегирме бериў тəртиби бийкар етиледи ҳәм бул төлемлер

15 жумыс күни ишинде толық төлениӯи  шəртлиги белгиленген.

2025-2026 жылларда Қарақалпақстан Республикасы ҳəм ўәлаятлар аймағы шеңберинде электрон онлайн ауктцион саўдаларына шиғарылатуғын аўыл хожалығына мөлшерленген жерлер жəми майданының орташа 10 – 20 проценти шарӯа ушын азықлық егинлерин егиў шəрти менен саўдаға шығарылады.

«Электрон онлайн-аукционларды

шөлкемлестириў» АЖ Қарақалпақстан

Республикасы аймақлық ўәкили.                           Р.Есимбетов