Ертеңги келешегимиз болған жасларға илим ғәзийнесин терең сиңдириў, мәмлекет раўажы жолында өзлериниң интеллектуал билими менен үлес қоса алатуғын жетик кадрларды таярлаў мақсетинде Жаслар аўқамы Шымбай районлық Кеңеси ҳәм Жаслар ислери агентлиги менен биргеликте Қарақалпақ мәмлекетлик университети студенти А.Кыркбаевтың координаторлығында дүзилген «Китап шайдалары» клубының «Интеллектуал жетик жаслар» атамасындағы китапқумарлық турнири «Қамыс арық» аўыл пуқаралар жыйынында жайласқан 45-санлы улыўма билим бериў мектебинде шөлкемлестирилди.
Бунда районлық Халық билимлендириў бөлимине қараслы 3, 18, 20, 21-санлы улыўма орта билим бериў мектебиниң китапқумар жаслары қатнасты.
Бүгинги турнир соңында келеси ҳәптеге тапсырма сыпатында төмендеги китапларды оқыў белгиленди:
Т.Қайыпбергеновтың «Муғаллимге рахмет» повести
Ш.Айтматовтың «Ақ кеме» повести
А.Якубовтың «Улығбек ғәзийнеси» романы
Пауло Кеолоның «Алкимёгар» повести
ϴ.Ҳашимовтың «Дүняның ислери» гүрриңлер топламы
Г.Есемуратованың «Жийрен» повести

Бул китапларды оқыған жаслар өзлери ушын жаңа илим ғәзийнесин ашатуғынына исенемиз.
Район бойынша барлық аймақларда избе-изликте өткерилетуғын китапқумарлық турнири соңында жеңимпаз жасларды район ҳәкимлиги тәрепинен таряланған естелик саўғалары ҳәм тарыйхый қалаларға бийпул саяхатлар күтпекте.

Ҳүрметли жаслар китап оқыўға асығын!