Бүгин еки тәреплеме бирге ислесиўлерди кеңейтиў ҳәм жаңа жойбарларды иске түсириў бойынша Қубла Корея мәмлекетинде биринши «Корея Республикасы ҳәм Орайлық Азия аймақлараралық бирге ислесиў форумы» өткерилмекте.
Форум шеңберинде Қарақалпақстан Республикасы Жоқарғы Кеңесиниң Баслығы Аманбай Орынбаев шығып сөйлеп, ҳүрметли Президентимиздиң айрықша итибары менен исбилерменликти раўажландырыў ҳәм инвестициялық тартымлылықты арттырыў бағдарында Қарақалпақстан ушын өз алдына қабыл етилген қарар ҳәм пәрманлар, усы тийкарда жаратылған имканиятлар ҳаққында кең түрде атап өтти.
Ҳақыйқатында да, бүгинги күнде жаратылып берилген усыншама имканиятлар тийкарында республикамызда исбилерменлердиң саны артып, жаңадан-жаңа инвестициялық жойбарлар иске түсирилмекте.
Бүгинги өткерилип атырған форум бул бағдардағы жумыслардың даўамы сыпатында жаңа жойбарлар үстинде жақын шерикликти жолға қойыў ҳәм иске түсириўге беккем тийкар болады десек алжаспаған боламыз.
