Районлық 8-санлы музыка ҳәм көркем өнер мектеби мәжилислер залында «Жаңа Өзбекстан-Жаңа кәсиплик аӯқамлары!» темасында үгит-нәсиятлаӯ илажы болып өтти. Илажда Өзбекстан Республикасы Президентиниң 2020-жыл 11-ноябрь күни Өзбекстан кәсиплик аӯқамлары Федерациясының VIII Қурылтайына жоллаған қутлықлаӯы , сондай-ақ, Өзбекстан кәсиплик аӯқамлары Федерациясы баслығы Қ. Рафиковтың баянаты оқып еситтирилди. Илажға Медицина хызметкерлери кәсиплик аӯқамы Республикалық Кеңесиниң Қарақалпақстан Республикасы бойынша жуӯаплы шөлкемлестириӯшиси, Қурылтай делегаты Лиза Байбосынова қатнасты. Илаж жуӯмағында қатнасыӯшыларға Өзбекстан кәсиплик аӯқамлары Федерациясы «Қурылтайдан Қурылтайға шекем» атлы ҳүжжетли фильмы қойып берилди.