Бокс бойынша Рио-2016 жазғы Олимпия ойынлары чемпионы Ҳасанбой Дўсматов екинши мәрте Олимпиада финалына жоллама алды. Ярым финалда Кабо-Верде ўәкили Даниел де Пина менен жекпе-жекке шыққан Ўатанласымыз қарсыласынан үстем екенлигин көрсетип, финал мәселесин унамлы шешти.

Сондай-ақ, бокс бойынша жәҳән чемпионаты медалы ийеси Лазизбек Мулложонов та өз атын Париж-2024 жазғы Олимпия ойынлары финалшылары қатарына қосып қойды. Ярым финалда тәжикстанлы Давлат Болтаев пенен беллесиўде өзиниң анық ҳәм күшли соққылары менен 9-август күни чемпионлық ушын рингке көтерилетуғын болды.