Шымбай районы Мектепке шекемги билимлендириў бөлимине қараслы бәрше Мектепке шекемги билимлендириў шөлкемлеринде “Миллий үрп-әдетлеримиздиң бала тәрбиясындағы әҳмийети” атамасында илажлар өткерилмекте. Бүгин бул илаж “Кеңес” аӯыл пуқаралар жыйыны аймағында жайласқан 1-санлы Мектепке шекемги билимлендириӯ шөлкеминде болып өтти. Онда шөлкемдеги педагоглар ҳәм тәрбияланыўшылар қатнасып, миллий ойынлар ҳәм қосықлар айтып, саҳналық көринислер қойылды. Сондай-ақ миллий буйымларынан көргизбелер шөлкемлестирилди.
Илаждың тийкарғы мақсети – келешек әўладты миллий қәдириятларымызға садықлық руўхында тәрбиялаў ҳәмде Ўатанға болған сүйиспеншилик сезимлерин терең тамырландырыўдан ибарат.
