2024-жыл 19-20-январь, 2024-жыл 9-10-февраль күнлери Өзбекстан Республикасы Олий Мажлиси Сенатының қырық тоғыз ҳәм елиўинши жалпы мәжилислери болып өтти.
Болып өткен мәжлисте мақулланған Нызамлар ҳәм кɵрип шығылған басқа мәселелер бойынша халық арасында үгит-нәсият жумысларын алып барыў, Сенат ҳәм оның комитетлери қарарларында белгиленген тапсырмалардың орынланыўын тәмийинлеў мақсетинде орынларда ушырасыўлар ɵткериў белгиленген.
Усы мүнәсибет пенен Өзбекстан Республикасы Олий Мажлиси Сенатының қырық тоғыз ҳәм елиўинши жалпы мәжилисиинде көрип шығылған мәселелердиң мазмун-мәнисин кең жәмийетшиликке жеткериў мақсетинде Өзбекстан Республикасы Олий Мажлис Сенаты комитети баслығының орынбасары Матмуратов Батыр Шымбай районында район белсендилери менен биргеликте ушырасыӯы болып өтти.
