Бүгин социаллық тармақларда  Шымбай районы Мектепке шекемги ҳәм мектеп билимлендириӯ бөлимине қараслы 2-3-4-6-7-9-10-13-21-33 мектепке шекемги билимлендириӯ шөлкемлери ҳәмде 40-41-43 санлы улыӯма билим бериӯ мектеплери сондай-ақ  Баркамал әӯлад балалар мектеби , «Қызыл-өзек», «Майжап», «Таза-жол» , «Кеңес», «Бахытлы», «Пашенттаӯ» АПЖ аймақларында жайласқан шаңарақлық поликликаларда бүгинги күнде гүз-қыс мәӯсимине таярлығы жоқ екенлиги ҳәмде қазанханалардың иске түспей атырғанлығы ҳаққында   билдирилген мүрәжат жәрияланған еди.

Бул бойынша Шымбай районы ҳәкимлиги төмендегилерди мәлим етип билдиреди.

Бүгинги күнде мүрәжатта көрсетилген мектепке шекемги билимлендириӯ шөлкемлери қазанханалары толық  жанып турғанлығы, сондай-ақ дизимде көрсетилген улыӯма билим бериӯ мектеплери яғыный 40-41 санлы мектеплер,  Баркамал әӯлад балалар мектеби қазанханалары ислеп турғанлығы ҳәм басқа да шерикликке берилген мәкеме шөлкемлерде избе-изликте қазанханаларды қосыӯ бойынша жумыслар алып барылмақта.

Сондай-ақ, гүз-қысқы жылытыӯ мәӯсимин зыянсыз өткериӯ бойынша районлық арнаӯлы штаб шөлкемлестирилген болып, исши топар тәрепинен ҳәр күни қадағалап барылмақта.