Шымбай районлық Әдиллик бөлими басламасы менен Таш МАУ Нөкис филиалы Шымбай академиялық лицейинде Халық билимлендириў бөлими, Жаслар аўқамы жергиликли Кеңеси менен биргеликте улыўма орта билим бериў мектеби, академиялық лицей ҳәм кәсип-өнер мектебинде тәлим алып атырған оқыўшы жаслар арасында коррупцияның унамсыз иллет екенлигин ашып бериўге бағдарланған шығармалар таңлаўы шөлкемлестирилди.
Таңлаўда қатнасқан жаслар коррупцияның пуқаралар, сондай-ақ белгили бир шахс өмирине тәсири, нызамға бойысыныў жоқары қәдирият ҳәм коррпуцияға қарсы гүресиўдиң тийкары екенлиги, нызамға бойсынбаў, жуўапкершиликтен қорықпаўдың унамсыз ақыбетлери сыяқлы мәселелерди жарытып берди.
Таңлаў жуўмағына көре 1-орынды 36-санлы мектеп оқыўшысы Абдуллаева Гүлпаршын, 2-орынды 32-санлы мектеп оқыўшысы
Узақбаева Аймекен, 3-орынды 3-санлы мектеп оқыўшысы Матенова Сахибжамал ийеледи.
Жеңимпазлар шөлкемлестириўшилер тәрепинен диплом ҳәм естелик саўғалары менен сыйлықланды.