Жоқарғы Кеңес Баслығы Қарақалпақ мәмлекетлик университетинде өткерилген Наўрыз байрамы салтанатына қатнасты

Жоқарғы Кеңес Баслығы Қарақалпақ мәмлекетлик университетинде өткерилген Наўрыз байрамы салтанатына қатнасты

16.03.2023 18:33:00 87 Баспаға шығарыў

Бүгин Бердақ атындағы Қарақалпақ мәмлекетлик университетинде «Ҳәр күниң Наўрыз болсын, жанажан Өзбекстаным!» сүрени астында байрам салтанаты болып өтти.

Онда Қарақалпақстан Республикасы Жоқарғы Кеңесиниң Баслығы Аманбай Орынбаев шығып сөйлеп, бүгинги күнде елимизде жасларға жаратылып атырған имканиятлар, студент-жасларды ҳәр тәреплеме қоллап-қуўатлаў бағдарында ҳүрметли Президентимиз басшылығында әмелге асырылып атырған жумысларды атап өтти. Жоқарғы Кеңес Баслығы өз сөзинде миллий байрамымыз, жаңарыў ҳәм жасарыў паслының гүлтажы болған наўрыз байрамы мүнәсибети менен жыйналғанларды қутлықлады.

Байрам илажы даўамында Жоқарғы Кеңес Баслығы университет факультетлери тәрепинен таярланған миллий тағамлар менен безетилген дәстүрханлар әтирапында жаслар менен ушырасып, оларды байрам мүнәсибети менен қутлықлады.

Талантлы жаслар тәрепинен миллий үрп-әдет, дәстүрлер, аяқ-ойынлар атқарылып, миллетлер аралық татыўлықты жырлайтуғын қосықлар атқарылды ҳәм жыйналғанларға байрам кейпиятын инәм етти.

«Ҳәр күниң Наўрыз болсын, жанажан Өзбекстаным!» сүрени астында байрам илажлары жоқары оқыў орынлары, сондай-ақ, республикамыздың барлық орынларында көтериңки түрде даўам еттирилмекте.

 

Пайдалы ресурслар
Skip to content