Республикамыздың алыс аймақларын суў менен тәмийинлеў жумыслары Жоқарғы Кеңес Баслығының қадағалаўында

Бүгин Қарақалпақстан Республикасы Жоқарғы Кеңесиниң Баслығы Аманбай Орынбаев, Министрлер Кеңесиниң Баслығы Ф.Эрманов, республика прокуроры Э.Таджиев ҳәм Ишки ислер министри Б.Төребековлар Тахтакөпир районы Белтаў АПЖ аймағында артезиан қудықларын қазыў ҳәм Белтаў пуқараларын суў менен тәмийинлеў бағдарында алып барылып атырған жумысларды барып көрди.

Ҳәзирги ўақытта аўыл пуқаралар жыйыны аймағынан үлкен көлемдеги 7 артезиан қудығынан суў шығарыўға ерисилди. Буннан тысқары, және 1 қудықтан тез арада суў шығарылады, тийкарынан шәрўашылық ҳәм аймақ турғынларының қыйтақ жерлерин суў менен тәмийинлеў ҳәм басқа да усы сыяқлы аўыл хожалығы жумыслары ушын пайдаланыў режелестирилген.