…Байрам қатнасыўшыларының итибары қурға қаратылды. Бас байрақ ушын ортаға Әмиўдәрья районынан Элёр Машарипов ҳәм Нөкис районынан Захриддин Заитов беллести. Бир-бирине мүнәсип палўанлар беллесиўинде Захриддин Заитов жеңиске еристи. Қарақалпақстан Республикасы Жоқарғы Кеңесиниң Баслығы Аманбай Орынбаев палўанға бас байрақ – Президентимиздиң саўғасы Ласетти «Jentra» автомашинасын салтанатлы түрде тапсырды. Буннан кейин бир нешше салмақ категорияларында палўанлар беллесип, жеңимпазлар баҳалы саўғалар менен сыйлықланды.

…Он айлаўға ат шабысы бәршениң дыққат итибарында болып, бәйгиге биринши болып келген Нөкис қаласынан Бахыт Ибраимовтың аты бас байрақты қолға киргизди. Оған Президентимиздиң саўғасы Ласетти «Jentra» автомашинасы тапсырылды.