Елимизде ҳәр жылы 1-октябрь – Устазлар ҳәм муғаллимлер күни жоқары дәрежеде өткериледи. Быйылғы жылы да көтериңкили руўхта белгиленбекте.
Бүгин Шымбай районының пайызлы орынларының биринде жайылған байрам дәстурханы болса уллы устаз ҳәм муғаллимлердиң байрамына бағышланды.
Устазлық уллы мәртебе. Көзиниң нурын, жас әўладтың билим алыўы жолында сарыплап, олардың келешегине беккем тийкар жаратып атырған кәсип пидайыларының мийнети мақтаўға ылайықлы.
Байрам салтанатында район ҳәкими А.Тажетдинов тәрепинен соңғы жылларда билимлендириў тараўында әмелге асырылған реформалар, ерисилген жетискенликлер ҳәм табысларға кеңнен тоқтап өтти.
Илажда бир қатар мийнет алдыңғыларына «Көкирек нышан»лары ҳәмде ҳүрмет жарлықлары тапсырылды.
Байрам кешесинде жаңлаған йошлы қосық ҳәм намалар болса кешеге өзгеше сән бағышлады.
