Президентимиз Ш. М. Мирзиёев басламасы менен және де Президент билимлендириў мәкемелери агентлиги дизиминдеги қәнигелестирилген мектеплер тармағын кеңейттириў бойынша 106- санлы пәрманы қабыл етилди.
Бул пәрманда 2022-жыл 1-сентябрьге шекем бәрше билимлендириў мәкемелери қурамында болған билимлендириў мәкемелери негизинде 19 қәнигелестирилген мектеп-интернатлары ҳәмде 141 қәнигелестирилген мектеплерди ашыў ҳәм иске қосыў режелестирилди.
Усы қәнигелестирилген мектеплер қатарында, Шымбай районы орайында Президент агентлиги мәкемелери қурамындағы қәнигелестирилген мектеп ашылды.
Быйылғы жылы мектепте билим алыў ушын пәрман тийкарында таңлаў өткерилип, таңлаўға қатнасыў ушын 1675 оқыўшы ҳүжжет тапсырып, соннан 382 оқыўшы билимлер сынағынан өтип оқыўға қабылланды.
Қәнигелестирилген мектепте ҳәзирги ўақытта анық ҳәм,тәбиий пәнлер жөнелиси ашылып, ҳәзирги күнде мектепте 32 муғаллим өз жумысын баслады.
Бүгин усы мектептиң ашылыў мүнәсибети менен 2022-2023-жылдың жаңа оқыў жылы салтанатлы түрде басланып кетти.
Онда район ҳәкими А.Тажетдинов мектеп оқыўшыларын жаңа оқыў жылының басланыўы менен қызғын қутлықлады.
