Шымбай районы медицина бирлеспеси тәрепинен халыққа медициналық жәрдем көрсетиӯ ҳаққында

Шымбай районы медицина бирлеспеси тәрепинен халыққа медициналық жәрдем көрсетиӯ ҳаққында

27.05.2022 18:54:53 93 Баспаға шығарыў

Shımbay rayonı medicina birlespesi tárepinen xalıqqa medicinalıq járdem kórsetiw hám medicinalıq
xızmet sapasın jaqsılaw boyınsha 2022-jıldıń birinshi sheregi dawamında ámelge asırılǵan jumısları
haqqında
Ózbekstan Respublikası Prezidentiniń 2018-jıl 7-dekabr kúngi “Ózbekstan Respublikası densawlıqtı
saqlaw sistemasın túpten jetilistiriw boyınsha kompleksli is-ilajlar haqqında”ǵı PP-5590-sanlı Pármanında
belgilengen wazıypalardıń rayonda orınlanıwın támiyinlew maqsetinde Shımbay rayonlıq Medicina birlespesi
baslıǵı wazıypasın waqtınsha atqarıwshısı A.Tajimuratovtıń Хalıqqa medicinalıq járdem kórsetiw hám
medicinalıq xızmet sapasın jaqsılaw boyınsha rayonda 2022-jıldıń birinshi sheregi dawamında ámelge
asırılǵan jumısları haqqındaǵı esabatın qarap shıǵıp Xalıq deputatları Shımbay rayonlıq Keńesi
SHESHIM ETEDI:
1. Хalıqqa medicinalıq járdem kórsetiw hám medicinalıq xızmet sapasın jaqsılaw boyınsha rayonda
2022-jıldıń birinshi sheregi dawamında ámelge asırılǵan jumısları boyınsha Shımbay rayonlıq Medicina
birlespesi baslıǵı wazıypasın waqtınsha atqarıwshısı A.Tajimuratovtıń esabatı maǵlıwmat ushın qabıl etilsin.
2. Shımbay rayonlıq Medicina birlespesi (A.Tajimuratov)ne:
Ózbekstan Respublikası Prezidentiniń 2020-jıl 12-noyabrdegi “Medicinalıq profilaktika jumısları
nátiyjeliligin jáne de jetilistiriw arqalı xalıq salamatlıǵın támiyinlewge tiyisli qosımsha is-ilajlar haqqında”ǵı
PQ-4891-sanlı qararında belgilep berilgen wazıypalardıń orınlanıwın támiyinlew;
byudjet qárejetleri esabınan dári-dármaq hám azıq-awqat ónimleri ushın ajıratılatuǵın qarjılardan
maqsetli paydalanıw;
rayon xalqına medicinalıq xızmet kórsetiw sapasın jáne de jaqsılaw boyınsha anıq is-ilajlar rejesin
islep shıǵıw;
xalıqqa kórsetiletuǵın medicinalıq xızmettiń jaǵdayı, keselliklerdiń aldın alıw, hayallar hám balalar
salamatlıǵın qorǵaw, birlemshi hám tez medicinalıq járdem kórsetiw sapasın arttırıw;
birlemshi medicina-sanitariya járdemin hár tárepleme bekkemlew, alıp barılıp atırǵan medicinalıq
profilaktika hám patronaj xızmetlerin jetilistiriw;
tarawda tájiriybeli hám tereń bilimge iye kadrlardı tayarlaw hám qayta tayarlaw arqalı medicina
xızmeti nátiyjeliligin asırıw;
e-qaror.gov.uz 25.05.2022
2
ózi erkin túrde medicina birlespesine kele almaytuǵın puqaralardı turaqlı baqlawǵa alıp úylerine
barǵan halda olarǵa medicinalıq xızmetler kórsetiw hám individual patronaj xızmetin ámelge asırıw;
kekseler, mayıplıǵı bolǵan shaxslar hám xalıqtıń basqa sociallıq qorǵawǵa mútáj bolǵan qatlamlarına
kórsetiletuǵın medicianlıq xızmet kórsetiwdi elede jaqsılaw;
profilaktika tekseriwler ornına hár bir aymaqtıń ózine tán medicinalıq jaǵdayınan kelip shıǵıp, sol
aymaqtaǵı kesellikler boyınsha turaqlı medicinalıq skrining tekseriwler ótkeriw;
xalıqtıń medicinalıq mádeniyatın arttırıw maqsetinde orınlarda turaqlı túrde reproduktiv salamatlıq,
kesellikler profilaktikası, nekeden aldınǵı medicinalıq tekseriwdiń áhimiyeti boyınsha úgit-násiyat jumısların
ele de kúsheytiw wazıypaları tapsırılsın.
3. Rayon hákimniń orınbasarı R.Jumamuratovqa:
mámleketlik uyımlar hám shólkemler tárepinen kekseler, mayıplıǵı bolǵan puqaralar hám xalıqtıń
basqa sociallıq qorǵawǵa mútáj bolǵan qatlamlarına medicinalıq-sociallıq xızmetler kórsetiw boyınsha turaqlı
túrde sın kóz qarasta qadaǵalap barıw;
rayonlıq medicina birlespesine kerekli bolǵan ásbap úskenelerin alıw ushın tiyisli tártipte uyrenip
shıǵıp rayon hákimligine usınıs kiritiw ilajların kóriw tapsırılsın.
4. Usı sheshimniń orınlanıwın qadaǵalaw rayon hákimniń orınbasarı R.Jumamuratov hám Xalıq
deputatları Shımbay rayonlıq Keńesiniń bilimlendiriw, densawlıqtı saqlaw, mádeniyat, sport hám sociallıq
qorǵaw máseleleri boyınsha turaqlı komissiyasına júklensin.
5. Usı sheshim qabıl etilgen kúnnen baslap kúshke kiredi.
Keńes baslıǵı A.Tajetdinov

 

Пайдалы ресурслар
Skip to content