Өзбекстан Республикасы Президентиниӊ 2019-жыл

27-майдағы «Өзбекстан Республикасында коррупцияға қарсы гүресиў системасын жәнеде жетилистириў ис-иләжлары ҳаққында»ғы

Пәрманы талапларыныӊ тараўлар кесиминде орынланыўын үйрениў мақсетинде Халық депутатлары районлық Кеӊеси Нызамшылықты тәмийинлеў ҳәм коррупцияға қарсы гүресиў мәселелери бойынша турақлы комиссия ағзалары З.Ержанова, О.Толыбеков, район Прокуратурасы аға жәрдемшиси С.Бекмуратов, районлық Әдиллик бөлими бас мәсләҳәтшиси А.Палекеев, районлық ишки ислер бөлими аға инспекторы Б.Баймуратовлар ибарат исши топар қурамы дүзилди.

Исши топар қурамы ағзалары тәрепинен Қарақалпақстан Республикасы Жоқарғы Кеӊеси депутаты, Нызамшылық, суд ҳуқық ҳәм коррупцияға қарсы гүресиў мәселелери кометети ағзасы Р.Маткурбановтыӊ қатнасыўында 13-16-октябрь күнлери аралығында район аймағындағы 5-, 14-, 38-, 41 ҳәм 49-санлы улыўма билим бериў мектеплеринде, 8-, 24-, 25- ҳәм 26-санлы мектепке шекемги билимлендириў шөлкемлеринде, районлық Медицина бирлеспеси, районлық Халық бәнтлигине көмеклесиў орайы, районлық Халық билимлендириў бөлими ҳәмде районлық Мектепке шекемги билимлендириў бөлиминде хызметкерлердиӊ арасында коррупцияға Қарсы гүресиў бойынша анноним сораўнамалар өткерилди.

Сондай-ақ, исши топар ағзалары тәрепинен орынларда коррупцияныӊ алдын алыў бойынша тийисли тәртипте түсиник жумыслары алып барылды.