Бүгинги күнде мәмлекетимизде «Жаслар» дәптерине киритилген жасларды социаллық жақтан қоллап-қуӯатлаӯ ҳәм олардың исбилерменлик жумысын раӯажландырыӯ, кәсип-өнер үйрениӯи, бәнтлигин тәмийинлеӯге көмеклесиӯ бойынша механизм жаратылып берилди. Аймақлардағы жәрдемге мүтәж жасларға кредитлер ажыратылып, өз шаңарақларына қосымша дәрамат келтирип өзлериниң бизнеслерин жүритиӯине көмеклеспекте ҳәм олардың жумыслары жүрискенлери дәптерлерден шығарылмақта. Оларға қаратылып атырған усындай ғамхорлық ҳәм итибардың нәтийжесинде ҳәзирги ӯақытта республикамызда ҳәтте, өзимиздиң районымызда да өзин-өзи бәнт етип атырған жасларымиздиң саны да артып бармақта. Усындай исбилерменлердин бири «Гүлистан» макан пуқаралар жыйынындағы «Жаслар» дәптеринде дизимде турған Рамазан Меңлибаев. Оның өзи ҳәм өмирлик жолдасы жумыссыз екенлигин есапқа алып, турмыслық жағыдайлары үйренилип «Жаслар» дәптерине дизимге алынды ҳәм оған Микрокредит банктиң районлық бөлими тәрепинен 80 миллион жеңиллетилген кредит ажыратылып берилди ҳәм ол өз жумысын баслады. Ол ажыратылған кредит қаржылары есабынан нан өнимлерин писиретуғын печка ҳәм  ун қарыйтуғын миксер ҳәм нан писиретуғын қәлип сатып алып бүгинги күнде нан өнимлерин ислеп шығарып, дастурханымыздың толыӯына, базарымыздың арзанласыӯына өз үлесин қоспақта.

-Ҳәзирги күнде нан өнимлериниң түрлерин көбейтиӯ ҳәм нан цехымды кеңейтиӯ нийетим бар,-дийди Рамазан Меңлибаев.