«Қарақалпақ суў тамийнаты» жуӯапкершилиги шекленген жәмийети Шымбай районы бөлими Шымбай районы «Бахытлы» аўыл пуқаралар жыйыны аймағындағы «Аршан» аўылы турғынларының социаллық тармақларда ишимлик суў бойынша еткен мүрәжаты тийисли тараӯ қәнигелери менен биргеликте үйренип шығылды. Үйрениӯ даӯамында аймаққа ишимлик суўын жеткерип бериўши Д=100 мм ЧВР (шойын) қубырларының тозыўы жетип ескиргенлиги ҳәм буның нәтийжесинде суўдың сапасы өзгергенлиги анықланды. Анықланған жағдай бойынша арнаўлы қураллар жәрдеминде суўдың сапасы жақсыланып, кемшиликлер сапластырылғанлығын ҳәм де тозыўы жеткен ишимлик суў қубырлары жаңа полиэтелен қубырларына алмастырыў илажларын көрилип атырғанлығын мәлим етип билдиремиз.