Районда тараӯ хызметкерлериниң кәсиплик байрамы мүнәсебети менен пайызлы оранлардың бирине байрам дастурханы жайылып, оған Кегейли Шымбай агрокластери жуӯапкершилиги шекленген жәмийетине қараслы Шымбай ҳәм Кегейли районларынан алдынғы фермер хожалығы басшылары, дийқанлар ҳәм агрономлар быйылғы көтерилген бәлент қырманға өзлериниң үлкен үлеслерин қоскан аӯыл хожалығы тараӯ хызметкерлери қатнасты. Соның менен бирге пахта дакылынан мол өним жетистирген тараӯ алдынғыларына жәмийет атынан қымбат баҳалы саӯғалар салтантлы жағдайда тапсырылды. Быйылғы 2021- аӯыл хожалық жылында Кегейли Шымбай агрокласстери тәрепинен Кегейли ҳәм Шымбай районлары аймакларындағы 360 фермер хожалыклары менен пахта жеткерип бериӯ бойынша шәртнамалар дүзип, 10690 гектар жерге шигит сеӯилген еди.Соның менен бирге усы еки район аймағында агрокластер тәрепинен суӯ тежеӯши техналогияларды қолланыӯға, жоқары өнимдар техникалар алып келиӯге де үлкен итибар қаратылды. Әлбетте бундай табысларға ерисиӯде фермер хожалықлары өзлерниң үлкен үлеслерин қосты.
