Xalıqtı dizimge alıw ilaji keń kólemli, kóp waqıt hám úlken qarjı talap etetuǵın ilaj bolıp, onı ótkeriw ushın
2-3 jıl dawamında tayarlıq jumısların alıp barıwdı talap etedi.
Respublikamız ǵáressizlik jıllarında xalıqtı dizimge alıw ilajin birinshi márte ótkerip atırǵanlıǵın inabatqa alıp, ilajǵa puxta tayarlıq kóriw hám onı sapalı ótkeriw maqsetinde 2023-jılǵa kóshirildi.
Xalıqtı dizimge alıw ilaji 2023-jıl 1-25-noyabr kúnleri ótkeriledi hám dizimge alıw baslanıwınıń anıq waqtı 2023-jıl 1-noyabr saat 00.00 etip belgilenedi. Xalıqtı dizimge alıw 25 kun dawam etedi.
Shaxsqa tiyisli ma¬ǵlıwmatlardı jıynaw
Respondentler jasawshı (waqtınsha bolıp atırǵan) turaq jay hámde naturaq jaylarǵa, imáratlarǵa barǵan halda úyme-úy júrip soraw ótkeriw arqalı ámelge asırıladı. Dizimge alıw blankası formaları dizimge alıwshı qániygeler tárepinen respondentlerdiń sózleri tiykarında toltırıladı;
Xalıqtı dizimge alıwdı ótkeriw dáwrinde jasaw (turǵan) jayında házir bolmaǵan yamasa jas óspirim shaxslar (respondentlar) tuwrısındaǵı shaxsqa tiysli maǵlıwmatlar usı uy xojalıǵında jası úlken aǵzaları tárepinen alınadı. Ózine salıstırǵanda qáwenderlik belgilengen shaxslar tuwrısındaǵı maǵlıwmatlar olardıń qáwenderleri tárepinen alınadı;
Jasap turǵan xojalıǵında dizimnen ótiwdi qálemeytuǵın respondentler ushın dizimge alıw sorawnamaların toltırıw rayon (qala) hákimlikleri tárepinen ajratılǵan imáratlarda jaylasqan statcionar uchastkalarda ámelge asırıladı;
Sóylew hám esitiwde nuqsanları bolǵan puqaralardıń shaxsqa tiyisli maǵlıwmatların jıynaw tiyisli aymaq boyınsha nágiranlıq jámiyetleriniń xızmetkerleri yamasa usı shaxs penen mámile etiw múmkinshiligine iye shaxslar járdeminde ámelge asırıladı.
Shaxsqa tiyisli maǵlıwmatlardı jıynaw, táminlew talapların esapqa alǵan halda informacion-kommunikaciya texnalogiyalarınan paydalanıw arqalı da ámelge asırıladı.
Xalıqtıń ayrım qatlamları boyınsha shaxsqa tiyisli maǵlıwmatlardı jıynaw, dizimge alıw blankası formaları hám basqa dizimge alıw hújjetlerin toltırıw “Xalıqtı dizimge alıw tuwrısında” ǵı Ózbekstan Respublikası nızamınıń 24-statyasına muwapıq ámelge asırıladı.
