Бүгин районымызда 2021-жыл зүрәәти ушын егилген пахта майданларында суўғарыўдан кейинги шүдигарлаў, культивация қылыў, жергиликли төгин шығарыў, шырпыў ҳәмде өсиўин ретлеўши биостимуляторлар менен суспензия себиў жумысларын алып барыў бойынша көргизбели семинар болып өтти. Онда Қарақалпақстан Республикасы министрлер кеңеси баслығының орынбасары С.Хожаметов, район ҳәкими А.Тажетдинов, сектор баслықлары, аўыл хожалығы мәкемелери, «Кегейли-Шымбай» агрокластери Агрономы ҳәмде бир қатар феремер хожалықларының баслықлары қатнасты.
Семинарда егислик жерлерди суўғарыў ҳәм суўғарыўдан кейинги шүдигарлаў, культивация қылыў, жергиликли төгин шығарыў, шырпыў ҳәмде өсиўин ретлеўши биостимуляторлар менен суспензия себиў жумысларын алып барыў бойынша қатнасыўшыларға кеңнен түсиник берилди. Аўыл хожалығы тараўындағы жумыслар өнимдарлығын еле де арттырыў бойынша семинар қатнасыўшыларының бир неше унамлы пикирлери жыйналғанлар тәрепинен айрықша додаланды.
Семинар соңында «Кегейли-Шымбай» агрокластери ЖШЖти тәрепинен фермер хожалығы пахта майданларында суўғарыўдан кейинги шүдигарлаў, культивация қылыў жумысларында қатнасқан механизаторларға 1 қалта ун, 5 литр май тарқатылды.
