Шымбай районы сектор басшыларының орынларда жаслар менен ушырасыўлары, олар тәрепинен билдирилген пикир, усыныс ҳәм машқаларардың шешимине қаратылған әмелий жумыслары системалы даўам етпекте.

Атап айтқанда “Кеңес” аўыл пуқаралар жыйынында жайласқан 9-санлы мектепте музыка дөгерегинде миллий саз әсбап есапланған дуўтардың жетиспеўшилигин инабатқа алып, мектеп жасларына 5 дуўтар саўға етилген болса, щахмат дөгерегин еледе раўажландырыў, бул спорт түрине жаслардың көпшилик бөлимин қамтыў лазымлығын инабатқа алып 14 шахмат тахтасы тапсырылды.

Жәнеде райондағы барлық оқыў орынларында мәҳәлле жасларының спорт пенен шуғылланыўлары ушын спорт заллары барқулла ашық. Бирақ зәрүр инветарлар менен тәмийинлеў зәрүрлиги инабатқа алынып, “Қостерек” аўылы жаслары ушын футбол, волейбол топлары, спорт кийимлери байрам саўғасы сыпатында берилди.

Бундай итибар ҳәм ғамқорлықтан кеўли шад болған жаслар район ҳәкими ҳәм сектор басшыларын өз миннетдаршылығын билдирди.

Белсенди жаслардың Самарқанд ўалаятының тарыйхий орынларына бийпул саяхатын шөлкемлестириў бойынша район ҳәкимлиги баслама қылды.
Демек Шымбай районы жаслары усы жылдың 4-6-июль күнлери Самарқандта саяхатта болады.