Өзбекстан Республикасы Президентиниң 2020 жыл 30-октябрдеги  “Саламат турмыс тәризин қәлиплестириў ҳәм спортты және де раўажландырыў илажлары ҳаққында”ғы Пәрманын орынлаў мақсетинде “ҚР Санитария эпидемиология хызмети Кубогы” спорт жарыслары шөлкемлестирилди. Жарыстың Республикалық басқышы Нөкис қаласында спорттың футбол, валейбол, стол тенниси, жеңил атлетика, ҳәм шашка түрлери бойынша өткерилди. Барлық районлардан қатнасыўшылар белсене қатнасты.

“ҚР Санитария эпидемиология хызмети Кубогы” спорт жарысларында Шымбай районы СЭТ ҳәм ЖСБ қәнийгелери спорттың футбол түри бойынша  1-орынды, Ҳаял қызлар арасында Валейбол бойынша 2-орынды, Шашка тури бойынша 2-орынды, Жеңил атлетика (Жуўырыў) бойынша 1-орынды алыўға мияссар болды. Барлық қатнасыўшыларға бахалы сыйлықлар хәм Хурмет жарлықлары тапсырылды.Спорт жарыслары жуўмағы бойынша  Шымбай районы СЭТ ҳәм ЖСБ қәнийгелери  командалық есапта 1-орынды ийелеп “ҚР Санитария эпидемиология хызмети Кубогын” алыўға мияссар болды.