Алдын хабар бергенимиздей усы жылдың 18-20-март күнлери Самарқанд ўәлаятында Жаслар арасында спорттың Самбо гүреси бойынша Өзбекстан чемпионаты болып өтти. Чемпионатқа барлық ўәлаятлардан ҳәм Қарақалпақстан Республикасынан  жерлеслеримиз   Шымбай районы “Майжап” аўыл пуқаралар жыйыны аймағынан еки спортшы  қатнасты ҳәмде жақсы нәтийже көрсетти, яғный 59 кг салмақта Азада Аймуратова 1-орынды ийелеп, усы жылдың июнь айында Ташкент қаласында болып өтетуғын Азия чемпионатына жоллама алды. Ал Айнура Қуўанышбаева сыйлы 3-орынды ийеледи.Шымбай районлық Балалар, өспиримлер спорт мектеби Махсуд Пирниязов қызларға устазлық етип келмекте.Бүгин спортшыларды,олардың ата-аналарын ҳәм тренерин  район ҳәкими А.Тажетдинов  қутлықлап өзиниң миннетдаршылығын билдирди ҳәмде саӯғалар тапсырды.