Бүгинги күнде Шымбай районында жаслар менен нәтийжели ислесиў саласында район секторлары тәрепинен системалы жумыслар әмелге асырылмақта.
Атап айтқанда бүгинниң өзинде районлық Ишки ислер бөлими басламасы ҳәм қәўендерлигинде 16-18 жас тайыпасындағы қызлар ҳәм ер балалар арасында узақ аралыққа жуўырыў бойынша «Марафон» шөлкемлестирилди.
Жаслардың бос ўақтын мазмунлы өткериў, олар арасында саламат турмыс тәризин кең ен жайдырыў, ҳуқықбузарлықлардың алдын алыў, ғалабалық спортқа қамтыў мақсетинде шөлкемлестирилген спорт беллесиўинде 200 ден аслам жаслар қамтылды.
Жаслар ислери агентлиги Орайлық аппараты бөлим баслығы А.Алимов Шымбайлы жаслардың спортқа болған қызығыўшылын жоқары баҳалады ҳәм жеңимпазларды қутлықлады.
«Марафон» да қызлар арасында:
1-орын А. Алипбаева
2-орын Г. Қудайбергенова
3-орын М.Оразымбетова
Ер балалар арасында:
1-орын А.Жуманазаров
2-орын Н. Тағабергенов
3-орын Р.Розимовлар ийеледи.
Жеңимпазлар шөлкемлестириўшилер тәрепинен диплом ҳәм қымбат баҳалы саўғалар менен сыйлықланды.