Усы жылдың 5-10-январь күнлери аралығында Қарақалпақстан Республикасы Халық билимлендириў Министрлигине қараслы барлық улыўма орта билим бериў мектеплериниң 9-10-11-класс оқыўшылары арасында пайтахтымыз Нөкис қаласындағы “Прогресс” билимлендириў ҳәм раўажландырыў Орайы жанындағы 46-санлы улыўма орта билим бериў мектебинде пәнлер олимпиадасының III-басқышы болып өтти. Олимпиадаға 2-басқышта жеңимпаз болған оқыўшылар қатнасып өз-ара беллести. Солар қатарлы Шымбай районынанда бир қатар оқыўшылар қатнасып жеңимпаз болды. Атап айтқанда:
Рус тили ҳәм әдебияты пәнинен 14-мектептиң 10-класс оқыўшысы Г. Шайхова 96,1 балл менен 1-орын, Өзбек тили ҳәм әдебияты пәнинен 14-мектептиң 10-класс оқыўшысы Г. Сабирова 91,3 балл менен 1-орын, Өзбек тили ҳәм әдебияты пәнинен 21-мектептиң 9-класс оқыўшысы А. Сарсенбаева 91,8 балл менен 2-орын, Рус тили ҳәм әдебияты пәнинен 14-мектептиң 9-класс оқыўшысы И. Қыдырбаев 79 балл менен 3-орын ҳәм Математика пәнинен 1-санлы мәмлекетлик қәнийгелестирилген улыўма билим бериў мектебиниң 9-класс оқыўшысы А. Кеңесбаева 76 балл менен 3-орынды жеңип алыўға миясар болды.
Районымыздың мақтанышы болған оқыўшыларымызды ҳәм олардың устазларын, бул үлкен табыслары менен Халық билимлендириў бөлими атынан қутлықлаймыз.
Биз сизди мақтаныш етемиз бүгинги күнниң Қаҳарманлары!