Шымбай районы 49-санлы мектептиң спорт залында O’zLiDeP Шымбай районы кенеси, районлық кенес депутаты К.Арзиев пенен биргеликте Депутат ҳәм спортшы жаслар атамасында ушырасыӯ илажы болып өтти. Илажда депутат тәрепинен спорт пенен әсиресе спорттың баскетбол тури менен турақлы шуғылланыӯшы жаслардың ҳәл жағдайлары менен танысып, оларға спорттың әҳмийети, денсаӯлық ушын пайдалы тәреплери ҳаққында мазмунлы сәубетлесиӯ алып барылды. Илажда жасларымыз тәрепинен өзлериниң қызықтырған сораӯларына жуӯаплар берилип, пикир усыныслары тынланды.Соның менен бирге илаж сонында депутат тарепинен спортшы жасларымызға спорт буйымлары саӯға ретинде тапсырылды.
