Ѳзбекстан Республикасы Президентиниң 2020-жыл 2-октябрь сәнесинде Қарақалпақстан Республикасына сапары даўамында инвестициялық жойбарлар ҳәм экспорт бойынша бир қанша тапсырмалар берилип, Қарақалпақстан Республикасының ҳәр бир аймақларына Ѳзбекстан Республикасының сырт еллердеги елшилерин бириктирген еди. Райондағы экономикалық жағдайды жақсылаў, ислеп шығарыў ҳәм экспорт тараўларын, инвестициялық жойбарларды жәнеде жеделлестириў мақсетинде Ѳзбекстан Республикасының сырт еллердеги елшилери атап айтқанда Ѳзбекстан Республикасының  Афганстан Ислам Республикасындағы Айрықша ҳәм толық ҳуқықлы елшиси Ядгархӯжа Шодмонов , Ѳзбекстан Республикасының  Қазақстан Республикасындағы  Айрықша ҳәм толық ҳуқықлы елшиси Саидикрам Ниязходжаев, районымызда болып ислеп шығарыў кәрханалары менен ҳәм ири инвестициялық жойбарлар менен танысып шықты.