Шымбай районында «Жаслар фестивалы» өзиниң қызғын мәўритлерине жетпекте.
Жасларды ғалабалық спортқа тартыў ҳәм олар арасында саламат турмыс тәризин кең ен жайдырыў мақсетинде 37-санлы улыўма орта билим бериў мектебинде 14-30 жас аралығындағы жаслар арасында көше спорты яғный «Street workout» спорт жарысы өткерилди. Бунда район көлеминде өз күшине исенген физикалық ҳәм зийреклиги жағынан күшли жаслар қатнасты.
Беллесиў соңында 1-орынды А.Досжанов, 2-орынды К.Нуратдинов,
3-орынды Н.Тағабергенов ийеледи.
Сондай-ақ спорттың «Жүзиў» ҳәм «минифутбол» түринен жарыслар өткерилип, жеңимпазлар 25-декабрь күнги гала концерт ўақтында көпшиликке еситтириледи ҳәм район ҳәкимлиги тәрепинен қымбат баҳалы саўғалар менен сыйлықланады.