Бүгин Өзбекстан Республикасы Президентиниң «Химия ҳәм биология бағдарларында үзликсиз билимлендириӯ сапасын асырыӯ ҳәм илим-пән нәтийжелигин арттырыӯ ис-илажлары ҳаққында»ғы қарарын орынлаӯ мақсетинде районлық Халық билимлендириӯ бөлимине қараслы 43-санлы мектепте қайырқомлық илажы болып өтти. Илажға «Олмалық тоғ металлургия комбинаты» тәрепинен 111 500 000 сумлық химия ҳәм биология пәнлеринен оқыӯ қураллар ҳәм лаборатория ханасы ушын керекли әсбап-үскенелери тапсырылды. Бул қайырқомлық ушын районлық билимлендириӯ бөлими ҳәм мектеп жәмәәти менен оқыӯшылары қәӯендерлерге шексиз миннетдаршылық билдирди.
2021-2022-оқыӯ жылында бул мектеп химия-биология пәнлеринен қәнигелестирилген мектеп етип ашылыӯ жолға қойылмақта.