Шымбай районы ҳәкимлигинде «Жаслар дәптери» ҳәм «Ҳаяллар дәптери»ниң қәлиплестирилиўи бойынша мəжилис болып өтти. Онда Жаслар ислери агентлиги Қарақалпақстан Республикасы басқармасы баслығы, сенат ағзасы А.Данияров, район ҳәкими А.Тажетдинов сондай-ақ мәкеме, шөлкем баслықлары қатнасты.
Мәжилисте жумыссыз жаслар «Жаслар дәптери»не киритилиўин қатаң қадағалаўға алыныўы, сондай-ақ, олардың бəнтлигин тәмийинлеў мақсетинде бос жумыс орынларын жаратыў, өзин-өзи бәнт етиў бойынша нәтийжели ис-илажлар белгилеп алынды.
