«Қуўнақ жаслар» фестивалы

«Қуўнақ жаслар» фестивалы

21.11.2020 16:46:29 242 Баспаға шығарыў

Шымбай районы халқы әзелден көркем-өнерди сүйетуғын, қәдирлейтуғын халық. Бул аймақта ϴмирбек лаққының аўладлары бар.

Жақында ғана Жаслар аўқамы жергиликли Кеңеси басламасы менен А.Баймуратов ҳәм Д.Қалбаевлар коордитнаторлығында «Talented stars» клубы дүзилген еди.

Жаслардың бос ўақытларын мазмунлы өткериў, қәбилетин жүзеге шығарыў ҳәм қоллап-қуўатлаў мақсетинде «Кеңес» аўыл пуқаралар жыйыны аймағында «Қуўнақ жаслар» фестивалы шөлкемлестирилди.

9-санлы улыўма билим бериў мектебинде өткерилген илажда 4-санлы ҳәм 1-санлы қәнигелестирилген улыўма орта билим бериў мектебиниң белсенди жаслары қатнасты.

Жаслар өмиринде жүз берген умытылмас ўақыялар, жетискенлик ҳәм кемшиликлер юмор арқалы  образлы жеткерилиўи фестивал қатнасыўшыларына заўық бағышлады.

Төреши қурамы ағзалары баҳасына көре фестивалда 1-орынды 4-санлы улыўма орта билим бериў мектебиниң «Аралас» деп аталған топары ийеледи.

Белсене қатнасқан ҳәр 3 топарға шөлкемлестириўшилер тәрепинен диплом ҳәм естелик саўғалары тапсырылды.

Пайдалы ресурслар
Skip to content