Нөкис қаласында спорттың дзюдо түри бойынша Өзбекстан кубогы жарысларының ашылыў мәресими болып өтти

Нөкис қаласында спорттың дзюдо түри бойынша Өзбекстан кубогы жарысларының ашылыў мәресими болып өтти

29.05.2023 19:10:56 76 Баспаға шығарыў

Усы жылдың 28-31-май күнлери пайтахтымыз Нөкис қаласында спорттың дзюдо түри бойынша ересеклер арасында (ерлер ҳәм ҳаял-қызлар) Өзбекстан кубогы жарыслары болып өтпекте.

Бүгин Нөкис қаласындағы 1-санлы балалар ҳәм жас өспиримлер спорт мектебинде спорттың дзюдо түри бойынша Өзбекстан кубогы жарысларының ашылыў салтанаты өткерилди.

Онда Қарақалпақстан Республикасы Жоқарғы Кеңесиниң Баслығы Аманбай Орынбаев шығып сөйлеп, спортшыларға әўмет тиледи.

Атап өтиў керек, спорт жарысларында бир неше салмақ категориясында ерлер ҳәм ҳаял-қызлар татамиға көтерилип, кескин беллесиўлер жүргизбекте.

Бүгинги беллесиўлерде -81 кг салмақ категориясы бойынша дзюдо шеберлери өз-ара күш сынасты. Жарыс жуўмағында:

Хайруллаев Жавлон (Ташкент қаласы) 1-орын менен алтын медаль;
Шеримбетов Санжарбек (Қарақалпақстан Республикасы) 2-орын менен гүмис медаль;
Аминов Амирбек (Бухара ўәлаяты) 3-орын менен қола медаль;
Рашидов Шербек (Самарқанд ўәлаяты) 3-орын менен қола медальды қолға киргизди.

Буннан соң сыйлықлаў мәресими болып өтти ҳәм жеңимпазларға Жоқарғы Кеңес Баслығы тәрепинен медаль ҳәм баҳалы саўғалар тапсырылды.

 

Пайдалы ресурслар
Skip to content