Хош хабар! ✨14 жаслы Асадбек Өзбекстан чемпионы болды

Хош хабар! ✨14 жаслы Асадбек Өзбекстан чемпионы болды

23.10.2020 14:27:45 122 Баспаға шығарыў

Күни кеше, 21 октябрь күни Ташкент қаласында спорттың профессионал бокс түринен клублар арасында болып өткен Өзбекстан чемпионатында Шымбай районлық 36-санлы қәнигелестирилген мәмлекетлик улыўма орта билим бериў мектебиниң әскерий Ўатансүйиўшилик бағдарына қәнигелестирилген класс оқыўшысы Генжемуратов Асадбек 1-орынды ийелеп «SCB CHAMPIONShIP» белбаўын жеңип алып, 54 кг салмақ категориясында Өзбекстан чемпионына айланды.
2017 жылдан баслап бокс пенен шуғулланып киятырған Асадбек, қысқа ўақыт ишинде көплеген турнир, ашық чемпионатларға қатнасып бир неше мәрте жоқары нәтийжелерге еристи. Устазы Байназар Избасаров пенен турақлы шуғулланып барады. Ол ҳәзирде Шымбай балалар ҳәм өспиримлер спорт мектеби тәрбияланыўшысы.

– Бул белбаў маған еле де күш-қуўат бағышлайды. Келешекте олимпиада чемпионы болып билдирилген исенимди ақлаў тийкарғы мақсетим, – дейди Асадбек Генжебаев.

Пайдалы ресурслар
Skip to content