Shımbay rayonında Press-tur

Shımbay rayonında Press-tur

06.10.2021 09:57:47 80 Баспаға шығарыў

Ózbekstan Respublikasınıń imidjin asırıw, shet elli ǴXQda hám social tarmaqlarda elimizdiń turistlik potencialın ǵalabalastırıw hámde Qazaqstannan turistler aǵımın kóbeytiw maqsetinde, Qazaqstannıń “SCAT” aviakompaniyasınıń “Aspan” bort jurnalı sholıwshısı Elena Boyarshinovanıń xızmet saparı shólkemlestirildi.

Maǵlıwmat sıpatında:  “SCAT” aviakompaniyası dúnyanıń 20dan aslam mámleketlerine óz aviareyslerin ámelge asırıp kelmekte. Solar qatarında Nókis-Aqtaw hám Nókis-Aqtóbe aviareysleri jolǵa qoyılǵan. “Aspan” bort jurnalı aviakompaniyanıń bárshe reyslerinde aviajolawshılarǵa inám etiledi. Jurnal hár ayda baspadan shıǵıp, tiraj sanı 15.000dı quraydı. Jurnal sayaxat hám dem alıw, tariyx hám kórkem-óner, jańa texnika túrleri haqqında maqalalar shıǵaradı.

“Aspan” jurnalınıń sholıwshısı Shımbay rayonınndaǵı jergilikli ónermentlerdiń iskerligi menen jaqınnan tanıstı. Rayondaǵı birinshi mánzil milliy qara úy tayarlawshı usta, jergilikli ónerment Azamat Tórekeevtiń ustaxansı hám miyman úyi boldı. Bul jerde usta tárepinen milliy qara úydi tayarlaw boyınsha sheberlik sabaqları shólkemlestirildi. Sonnan soń, qazaqstanlı miyman ushın jergilikli suwretshi hám músinshi Dáribay Tájimuratov hám onıń ulı zerger Ádil Tájimuratov, sonıń menen birge kesteshilik boyınsha ónerment, etnograf Qundız Qurbanovanıń úy-ustxanalarında kórgizbeler shólkemlestirildi.

 

 

 

 

 

 

 

 

Пайдалы ресурслар
Skip to content