Ҳүрметли Президентимиз мектеп питкериӯшилерине жоллаған қутлықлаӯы тек ғана жасларымызды емес, бәлки биз устазларды шексиз қуӯанышқа бөледи

Ҳүрметли Президентимиз мектеп питкериӯшилерине жоллаған қутлықлаӯы тек ғана жасларымызды емес, бәлки биз устазларды шексиз қуӯанышқа бөледи

29.05.2021 17:52:54 250 Баспаға шығарыў

Мәмлекетимиз басшысы ҳүрметли Президентимиз мектеп питкериӯшилерине жоллаған қутлықлаӯы тек ғана жасларымызды емес, бәлки биз устазлардың да  руӯхын көтерди. Әсиресе «Қәлби пәк арзыӯ үмитлер менен толған сизлердей нәӯқыран жасларымыз тымсалында биз ушын улкен әҳимийетке ийе болған тәлим-тәрбия тараӯларындағы ийгиликли ҳәрекетлеримиздиң әмелий нәтийжесин, халқымыз ҳәм ӯатанымыз келешегин көремиз» деп жасларға үлкен үмитлер, исеним менен тилек билдириӯи ҳәм ҳүрметли Президентимиз үмит еткениндей ҳақыйқаттан да жаңа Өзбекстанда жаңаша раӯажланыӯ талаплары тийкарында ҳәр бир жас мәмлекетимиз тәрепинен жаратылып атырған имканиятлардан кең пайдаланып, ӯатан ушын хызмет ететуғын камил инсанлар болып жетилиседи.

Мәмлекетимиз тәрепинен жасларға қаратылған имканиятларды көрип көзиң куӯанады. Бул имканият есиклери ҳәр бир жас ушын ҳәр бир тараӯда айқын көзге тасланады.

Буннан тысқары келешегимиз болған жас әӯладларды ҳәр тәреплеме билимли, тәрбиялы, қәбилетли етип тәрбиялаӯда мектепке шекемги билимлендириӯден баслаған болса, мектеп билимлендириӯиндеги жаңа реформалардың енгизилиӯи, биз устазларға деген ҳүрмет итибардың күшейиӯи әлбетте бизге үлкен күш-ғайрат бағышлайды. Жоқарғы оқыӯ орынларындағы жаңа бағдарлардың ашылыӯы әсиресе  Қарақалпақстан шәраятында узақ аймақлардағы жаслардың жоқарғы оқыӯ орынларына қабылланыӯындағы жеңилликлердиң енгизилиӯи биз ушын аталарша ғамхорлық деп билемиз. Биз педагоглар усындай имканиятларға тек ғана бар билимимиз, бар күш-ғайратымыз бенен пидайы хызмет етип, жас әӯладлардың тыяналы билим алыӯында, ӯатанымыздың гүллеп раӯажланыӯына үлес қосыӯымыз тийис. Питкериӯши жасларымызға бәлент пәрӯаз, күшли сабыр, терең билим, ӯатанға садықлық, туӯылған мәканға меҳир-мухаббат, келешеги айдын болсын дегим келеди.

 

 

Т.Палӯаниязова,

5-санлы мектеп директоры.

 

 

 

Пайдалы ресурслар
Skip to content