Жаслық дәўириниң умытылмас мәўритлерин ҳәзиллерде жәмлеген таңлаў

Жаслық дәўириниң умытылмас мәўритлерин ҳәзиллерде жәмлеген таңлаў

05.03.2021 19:31:50 101 Баспаға шығарыў

Социаллық тармақлар арқалы 2021-жылдың 5-март күни районлық Мәденият бөлиминде 18-30 жас тайыпасындағы жаслар арасында «Қуўнақ жаслар» атамасында таңлаў шөлкемлестирилиўи жәрияланған еди.
Усыған тийкар қәбилетли жаслардың асығып күткен таңлаўы басланды. Көрик-таңлаўды район Прокуроры орынбасары Б.Байманова ашып берди.
Шымбай районы Прокуратурасы басламасы менен өткерилген таңлаўда 8 команда өзлериниң жасаў аймақлары ҳаққында, жаслық дәўириниң умытылмас қызықлы ўақыяларын ҳәзилге бай тәризде театрласқан, юмор-сатиралық көринислери арқалы баян қылды.
Шымбай районлық Жаслар шөлкеми, Руўхыйлық ҳәм ағартыўшылық орайы ҳәмде Мәденият бөлими менен биргеликте жеңимпаз топарлар анықланды.
3 шәрт жуўмағына көре 1-орынды «Шымбай шоу», 2-орынды «Yumor stars», 3-орынды «Майжап жигитлери» топары ийелеген болса, қалған қатнасыўшы топарлар номинация жеңимпазларына айланды.
Жеңимпазларға район прокуроры Р.Атамуратов тәрепинен 2 200 000 сўм пул сыйлығы ҳәм қымбат баҳалы саўғалар, қалған номинация жеңимпазларына естелик саўғалары ҳәм дипломлар тапсырылды.

 

Пайдалы ресурслар
Skip to content