Биз жаслар нәшебентликке қарсымыз!

Биз жаслар нәшебентликке қарсымыз!

06.02.2021 10:16:30 113 Баспаға шығарыў

2021-жылдың 1-февраль күнинен 1-март аралығы мәмелектимизде “Жаслар арасында нәшебентлик затлардың тарқалыўына қарсы гүресиў айлығы” деп белгиленди.
Усы мүнәсибет пенен Шымбай районында жаслар арасында ҳукықбузарлықларға қарсы гүресиў, нәшебентлик затлардың тарқалыўының алдын алыў мақсетинде түрли илажлар өткерилмекте.
Атап айтқанда бүгин Өзбекстан жаслар аўқамы Шымбай районлық Кеңеси, Жаслар ислери агентлиги, Дене-тәрбия ҳам спорт бөлими, Миллий гвардия менен биргеликте Жаслар майданшасында “Саламат турмыс ушын 5000 қәдем” жойбары, сондай-ақ Таш МАУ Нөкис филиалы Шымбай академиялық лицейинде окыўшы жаслар арасында “Қуўнақ стартлар” спорт жарыслары шөлкемлестирилди.
Қызғын беллесиўлерден соң 32-санлы улыўма билим бериў мектеби жаслары 1-орынды, 41-санлы мектеп 2-орынды, 38-санлы мектеп жаслары 3-орынды ийеледи.
Жеңимпазлар шөлкемлестириўшилер тәрепинен диплом ҳам естелик саўғалары менен сыйлықланды.

 

Пайдалы ресурслар
Skip to content