«СӘРДАРЛАР ФОРУМЫ» жаслар арасында жаңа басламаларды пайда етти

«СӘРДАРЛАР ФОРУМЫ» жаслар арасында жаңа басламаларды пайда етти

15.12.2020 15:56:07 100 Баспаға шығарыў

 

Усы жылдың 4-декабрь күни Шымбай районы ҳәкиминиң жаслар менен өткерилген ушырасыўында ҳәр айдың он бесинши сәнеси «Сәрдарлар күни» сыпатында белгилениўи атап өтилген еди.

Усынысқа  тийкар 15-декабрь күни 8-санлы Балалар музыка ҳәм көркем-өнер мектебинде Сәрдарлар форумы өткерилип, форумда Жаслар ислери агентлиги Шымбай районлық бөлими тәрепинен 7-30 жас  аралығындағы жаслар ушын «Инновациялық техногоиялар-2020» таңлаўы шөлкемлестирилди.

Форумда район ҳәкиминиң орынбасары У.Қалилаев, районлық Халық билимлендириў бөлими баслығы Э.Мамбеткаримова, Жаслар аўқамының районлық Кеңеси баслығы С.Жолымбетова, сондай-ақ афган урысы
(1979-1989) қатнасыўшылары барлық улыўма орта билим бериў мектеплериндеги белсенди сәрдарлар менен ушырасып,  олардың сәрдарлық искерлигине табыслар тиледи.

Районлық Халық билимлендириў бөлими баслығы Э.Мамбеткаримова бүгинги күн педагоглар алдына қойылған ўазыйпалар, оқыўшы жасларды пикирлеўге үйрететуғын анық механизм тийкарында тәлим бериў, оқыўшылар менен дослық қатнасықта болыў, заман талабына сай түрде кәсипке бағдарлаў бойынша өзиниң пикир ҳәм усынысларын бирге ислесиўши шөлкемлерге билдирип өтти.

Форум даӯамында ϴзбекстан жаслар аўқамының барлық улыўма орта билим бериў мектеплериндеги жаслар жетекшилери ушын районлық Ишки ислер бөлими тәрепинен жас өспиримлер арасында ҳуқықбузарлықлардың алдын алыў ҳәм олар менен ислесиў бойынша семинар тренинг шөлкемлестирилди.

Форум өзине тән тәризде дебат көринисинде әмелге асырылды.

Форум соңында «Инновациялық технологиялар 2020» таңлаўының жеңимпазлары анықланып таңлаў жеңимпазлары ҳәм белсене қатнасқан жаслар район ҳәкимлиги ҳәм Жаслар ислери агентлиги Қарақалпақстан Республикасы басқармасы тәрепинен таярланған баҳалы саўғалар ҳәм дипломлар менен сыйлықланды.

 

 

Пайдалы ресурслар
Skip to content